ನಾಯಕ-ಸೇವಕ

ನಾಟಕ,
ಪ್ರತಿಯೊಬ್ಬರ ಕಾಯಕ

ವೇದಿಕೆಯ ಮೇಲೆ ಅದು ಕೇವಲ ನಟನೆ
ನಿಜ ಜೀವನದಲ್ಲಿ ಅದೊಂದು ಸುಂದರ ಘಟನೆ

ವೇದಿಕೆಯ ಮೇಲೆ ನಾಯಕ
ಮನೆಯಲ್ಲಿ ಹೆಂಡತಿಯ ಸೇವಕ

ನಗು-ಮಗು

ನಾನೊಬ್ಬಳ ನೋಡಿದೆ ದೂರದಿಂದ
ಅವಳು ಕೈಬೀಸಿ ಕರೆದಳು ಮೆಲು ದನಿಯಿಂದ

ನಾ ತೊರಿದ್ದು ಕೇವಲ ಕಿರುನಗು
ಆದರೆ ಆಕೆ ತೋರಿದ್ದು ಅವಳ ಎರಡನೆಯ ಮಗು

ಓಲೆ-ಒಲೆ

ನನ್ನಂತರಂಗವ ಬಿಚ್ಚಿಟ್ಟಿತ್ತು
ಅವಳಿಗೆ ಬರೆದ ನನ್ನ ಓಲೆ

ಮರುದಿನ ಓಲೆಯೊಡನೆ ಅಣಕಿಸಿತ್ತಿತ್ತು
ಅವಳ ಮನೆಯ ಒಲೆ

ಅಂದ-ಮಂದ

ನಾನೊಬ್ಬಳ ನೋಡಿದೆ ದೂರದಿಂದ
ಅಂದ ತುಂಬಾ ಅಂದ

ಆದರೆ ಹತ್ತಿರಕ್ಕೆ ಹೋದಾಗ ತಿಳಿಯಿತು
ನನ್ನ ಕಣ್ಣು ಮಂದ